„Волстрит џорнал“: Кина се подготвува за потенцијална криза во Северна Кореја
Кина се подготвува за потенцијална криза со Северна Кореја, зацврстувајќи ја својата одбрана долж заедничката граница, вклучувајќи го и создавањето нова гранична бригада и изградбата на бункери за цивилното население, јави весникот „Волстрит џорнал“.
Како шпто јавуваат британските медиуми, Кина ја засилува својата одбрана на севернокорејската граница уште откако Пјонгјанг во 2006 година ја изврши својата прва нуклеарна проба, вклучувајќи ја и изградбата на ограда во сектори од границата и засилувајќи ги граничните патроли.
Кина, исто така, ги прераспореди своите вооружените сили во североисточниот дел на земјата, тврди „Волстрит џорнал“, повикувајќи се на кинески воени претставници и владините сајтови и на кинеските и странските експерти.
Кина се наоѓа во процес на широка програма за воена реорганизација и модернизација, потсетуваат британските медиуми.
Кинеската Влада повеќепати има соопштено дека не може да има воена разрешница на севернокорејското прашање.
Портпаролот на кинеското Министерство за одбрана, Ву Цијанг, вчера во Пекинг изјави дека не може да одговори на „хипотетичкото прашање“ за тоа што кинеската армија ќе направи во случај на судир на Корејскиот Полуостров.
Кина одамна е загрижена од потенцијалната можност за војна или немирите во соседните земји да се префрлат на нејзина територија.
Ново на Сител
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина