Џет-Сет
10. February 2016 - 12:40

„Војна на ѕвездите“ му донесе рекорден профит на „Дизни“

Компанијата „Волт Дизни“ во четвртиот лански квартал оствари рекорден профит од 2,9 милијарди доалри, што е за 30 отсто повеќе во оснос на истиот период во 2014 година.

Според бизнис извештајот на компанијата, растот на заработката на „Дизни“ првснствено се должи на рекордните приходи од филмот „Војна на ѕвездите: Сила се буди“, кои достигнаа над две милијарди долари.

Продажбата на играчки и други производи поврзани со овој филм предизвика раст на профитот во одделот за потрошувачки производи на „Дизни“ за 23 отсто.

- Благодарејќи на феноменалниот успех на „Војна на ѕвездите“, остваривме рекордна квартална заработка и евидентиравме двоцифрен раст на приходите, 10-ти квартал по ред, изјави претседателот и извршен директор на „Волт Дизни“, Роберт Игер.

Од друга страна, заработувачата на „Дизни’ од тематските паркови порасна во последниот лански квартал за 22 отсто на годишно ниво, благодарејќи на зголемената посетеноста на парковите во САД, додека во „Дизниленд“ во Париз, бројот на посетители опадна за осум отсто, по терористичките напади во главниот финансиски град лани во ноември.