Македонија
28. July 2016 - 11:56

Водата од Тиквешко Езеро безбедна за капење

Водата од Тиквешкото Езеро е безбедна за капење, риболов, поење добиток и за разни други видови на рекреација, информира денеска Трајче Ризов, епидемиолог и раководител на Центарот за јавно здравје-Кавадарци. Безбедноста ја покажале резултатите од последните земени мостри од водата во езерото. 

- Водата од Тиквешко Езеро е безбедна според новиот Правилник за квалитет на вода, донесен на 20 јули оваа година. Како што покажаа микробиолошките анализи, таа спаѓа во петта класа на води, според нејзиниот квалитет, рече Ризов.

Тиквешкото Езеро е втора по големина вештачка акумулација во државата. Езерската вода се користи за капење и рекреација, лов и напојување стока, наводнување и за производство на струја.