Водата од локалните водоводи во селата во Виничко исправна за пиење
Контролата на исправноста на водата за пиење во три села во Виничко кои имаат локални водоводи покажала добри резултати. Кај испитуваните примероци што ги зеле екипи од Центарот за јавно здравје од Кочани не е регистрирано присуство на физички и хемиски загадувачи над максимално дозволеното ниво.
По барање на Општина Виница, во селата Истибања, Липец и Лески била направена физичко-хемиска анализа, при што е утврдено дека нема отстапување од законските и стручни прописи. Единствена забелешка е оти водата недоволно и несоодветно се хлорира.
Бактериолошката анализа покажала двојно поголемо присуство на колиформни бактерии над максимално дозволениот број кај водоводот во село Липец. Во другите две села водата е биолошки исправна.
Од Центарот за јавно здравје е доставено писмено известување до локалната самоуправа на Виница дека е потребно локалните водоводи во трите села редовно да се дезинфицираат со резидуален хлор од 0,2 до 0,6 милиграми на литар за да може водата безбедно да се користи за пиење.
Ново на Сител
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори
-
Фриленсерството во Македонија - Предности и маани
-
Започна церемонијата за потпишување на Кодекс за фер и демократски парламентрани избори
-
Специјализантите незадоволни продолжуваат со штрајкот
-
100 болни и изнемоштени лица во Штип се пријавиле за гласање во домашни услови