Во Венецуела забранија протести
Властите во Венецуела забранија денеска протести што може да „попречат или влијаат“ врз изборите за уставотворно собрание в недела.
- За оние што нема да ја почитуваат наредбата казните се пет до 10 години затвор, изјави министерот за внатрешни работи Нестор Реверол.
Венецуелското Јавно обвинителство соопшти дека на вчерашниот протест против претседателот на државата Николас Мадуро, загинал 49-годишен маж.
В недела во Венецуела ќе се одржат избори за уставотворно собрание кои опозицијата ги бојкотира. Според нив, целта е да се смени Уставот и обезбеди мнозинство за влада која нема доволна поддршка од народот.
Во четиримесечните протести во Венецуела против Мадуро загинаа 107 луѓе.
САД им наредија на семејствата на американските дипломати да го напуштат Каракас пред одржување на гласањето.
Стејт департментот, исто така, ги предупреди американските државјани да не патуваат во Венецуела поради зголемените тензии и насилство.
Венецуелскиот претседател Николас Мадуро свика избори за Уставотворно собрание, со цел да биде сменет уставот. САД го повикаа Мадуро да ги откаже изборите и му се заканија со дополнителни санкции доколку не го направи тоа.
Ново на Сител
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР
-
Муцунски: Овој ден е почеток на крајот на оваа власт
-
48% од гласачите гласале до 18.30 часот
-
Арбен Таравари: Граѓаните масовно излегуваат, што е добар знак за опозицијата
-
Стевчо Јакимовски: Најголема штета се прави на Македонија, ако не се излегува да се гласа
-
Билјана Ванковска: Првиот и најважен чекор е граѓаните да гласаат, а каков избор ќе направат ќе видиме вечер
-
Максим Димитриевски: Посакувам да победи демократијата и Македонија