Во Велес огромен интерес за вакцинација против Ковид-19
На пунктот за вакцинација во Здравствениот дом во Велес денеска беа вакцинирани 580 лица од сите возрасти и со прва и втора доза.
Како што информира за МИА, д-р Марина Тодоровска координатор на вакциналниот пункт, велешани и понатаму покажуваат огромен интерес за вакцинација, односно да се заштитат од болеста Ковид-19.
– Денеска од 7:30 до 15:30 часот се вакцинираше со прва доза од вакцината „Фајзер и „Астра Зенека“ и втора доза од кинеската „Синовак“ и втора доза од „Астра Зенека“ и „Фајзер“ и имаше од сите возрасти, информира д-р Тодоровска.
Воедно информира дека одлично се спроведува и теренската вакцинација со втора доза во селата во Општина Чашка, а денеска нивните медицински екипи вакцинирале жители на селата Бистрица, Ореше и Нежилово, а со теренската вакцинација продолжуваат и во наредните денови.
Поради големиот број на лица над 60 години кои треба да се вакцинираат со втора доза „Астра Зенека“ од утре, 17 август, па и во наредните денови, на 18 и 19 август, ќе биде отворен масовниот пункт за вакцинација во Спортската сала на ССОУ „Коле Неделковски“ и истиот ќе работи и на 30 и 31 август.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари