Балкан
21. September 2016 - 11:03

Во Турција работат речиси еден милион деца

Бројот на деца кои работат во Турција е речиси еден милион, објави „Хуриет дејли њуз“.

- Во понедленикот во Турција почна новата учебна година, но и покрај тоа околу еден милиони деца се принудени да работат, наведува весникот.

Според турскиот Синдикат во образовението, половината од децата кои работат се во земјоделието, каде им помагаат на своите семејства.

Седумдесет и четири отсто од децата на возраст меѓу шест и 14 години работат во сферата на земјоделието, 16 отсто во услуги и осум во индустријата.

Децата на возраст меѓу шест и 14 години работат по 28 часа неделно, а тинејџерите (15-17 години) работат по 45 часа неделно.

Децата кои не одат на училиште работат во просек по 54 часа неделно.