Во Торонто вечер за поддршка на весникот „Македонија“
Во банкет салата на Катедралната македонска православна црква „Св. Климент Охридски“ во Торонто се одржа вечер за поддршка на единствениот редовен месечен весник во Канада „Македонија’’, кој се издава веќе 34 години.
Основач и уредник 29 години на ова најпопуларно македонско месечно издание во Канада беше Танас Јовановски, а од пред пет години го наследи естрадниот уметник и новинар, Соња Лозановска, актуелен главен и одговорен уредник на весниот „Македонија“.
На вечерта посветена на весникот „Македонија“ присуствуваа бројни соработници, пријатели, поддржувачи, дипломати, преставници на македонските здруженија, организации, македонските православни цркви, медиуми и поедници, како и дарители кои придонесуваат за зачувување на македонскиот идентитет, култура, пишан збор и традиции во Канада и пошироко.
Весникот „Македонија" има посебно место во новинарството меѓу иселеништвото во Канада и пошироко во дијаспората. Тој 34 години е вистински афирматор на Македонија и македонскиот народ, со изразена национална и благородна мисија, особено меѓу Македонците во Торонто и околината. Тој е еден од весницити во Канада што ги афирмира македонскиот мајчин јазик, литературата и културата, како и активностите и достигнувањата на повеќе од стотина илјади Македонци во Канада.
Програмата на вечерта посветена на весникот „Македонија“ беше збогатена со настапот на ансамблот „Македонка“, најстариот и најпознат македонски фолклорен ансамбл во Канада, кој постои од 1959 година, настапија и естрадните уметници Фана Шомова и Мери Мајнас, како и познатиот македонски оркестар „Децата од Буф“.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората