Во тимот на Трамп најголемите богаташи - врвот на Вол Стрит, Волт Дизни, ИБМ...
Новиот претседател на САД Доналд Трамп, кој на главните позиции во својот кабинет постави мултимилионери, вчера го најави и новиот Советодавен одбор, во чиј состав ќе бидат лидери од Вол Стрит и познатите корпорации, вклучувајќи ги Волт Дизни, Волмарт и ИБМ.
Тие ќе бидат во состав на Стратешкиот и полиитчки форум на Трамп, со задача да му помогнат на новиот претседател да го спроведе „својот план за зголемување на вработеноста и ветувањето дека Америка повторно ќе ја направи голема“.
Со Одборот, кој прв пат ќе се состане во Белата куќа на почетокот на февруари, ќе преседава Стивен Шварцман, генерален директор и коосновач на корпорацијата Блекстоун, која управува со активи вредни 361 милијарда долари.
Во составот на Одборот се и лидерите на две корпорации, кои се членови и на Советот за извоз на претседателот во заминување Барак Обама, генералниот директор на Дизни Роберт Ајгер и директорот на ИБМ Вирџинија М. Ромети.
Трамп меѓу членовите на тоа советодавно тело го назначи и Џејми Дајмон, директор на корпорацијата ЏиПи Морган Чејс, кого некои го споменуваа како можен кандидат за министер за финансии.
Меѓу членовите се и Лери Финк, кој се наоѓа на чело на компанијата БлекРок, генералната директорка на Џенерал Моторс Мери Бара, првиот човек на Волмарт Даг Мекмилон и поранешниот гувернер на Федералните резерви Кевин Ворш.
- Форумот е составен од директори и деловни луѓе, кои знаат како да отворат нови работни места и да го поттикнат стопанскиот раст, изјави Трамп, додавајќи дека неговата администрација е посветена на користењето на стручноста од приватниот сектор.
Ново на Сител
-
Преглед на вестите од светот
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката