Во Тетово одбележан Денот на македонската револуционерна борба
Со интонирање на химната на Република Македонија и минута молчење како почит за паднатите борци за слобода на Македонија денеска кај Споменикот на револуцијата во центарот на Тетово претставници на повеќе здруженија, политички партии и граѓани го одбележаа 23 Октомври - Денот на македонската револуционерна борба.
- Изминаа 122 години откакко основоположниците Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев во куќата на солунскиот книжар Иван Хаџи Николов ги поставија темелите на Македонската револуционерна организација која потоа ќе стане симбол на македонскиот народ и неговата борба за слобода, рече Милена Илиевска која во името на организаторите од општинскиот комитет на ВМРО-ДПМНЕ од Тетово се обрати пред присутните.
Формирањето на ВМРО, како што посочи таа, значи почеток на организираното македонско револуционерно движење што преку Илинден 1903 и Крушевската република, преку НОВ и АСНОМ резултира со создавање на современа самостојна македонска држава.
- Денес кога го чествуваме 23 октомври - Денот на македонската револуционерна борба се поклонуваме на делото на шестемина македонски револуционери кои ги поставија темелите на ВМРО како и на сите потомци и следбеници, херои кои го положија својот живот на олтарот за слободата на Македонија, рече Илиевска.
Во рамките на одбележувањето на празникот на Споменикот на револуцијата во Тетово цвеќе положија претставниците на тетовската општинска организација на Сојузот на борците на Македонија, гарнизонот на АРМ од тетовската касарна „Кузман Јосифовски Питу“, Задружението на воените инвалиди, Регионалниот одбор на српската заедница во Тетово, како и општинските комитети на ВМРО-ДПМНЕ и ВМРО Народна партија.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.