Во Тетово одбележан Денот на македонската револуционерна борба
Со свеченост пред споменикот на Револуцијата во центарот на Тетово денеска беше одбележан 23 Октомври - Денот на македонската револуционерна борба. Активностите започнаа со интонирање на химната на Република Македонија и едноминутно молчење во чест и слава на сите кои ги дале животите за слободата. Реферат за значењето на празникот пред присутните прочита професорката по историја Оливера Гиченко.
- Во состојби на терор како од турската власт, така и од пропагандите на соседните држави Македонците успеваат да ги негуваат и искажат своите национални чувства. Сите знајни и незнајни јунаци, борци, преродбеници и други ја носеа Македонија во своите срца. Можеби имаа различни методи, приоди и начини на борба но целта им беше иста слободна и самостојна македонска држава што се реализираше со борбарта против фашизмот во Втората светска војна и особено референдумот од 8 Септември 1991-та година, рече Гиченко.
Во рамките на одбележувањето на празникот цвеќе на споменикот на револуцијата положија делегација на Сојузот на борци Тетово, од тетовската касарна Народен херој Кузман Јосифовски Питу и гарнизонот на АРМ, претставници од општинскиот комитет на ВМРО ДПМНЕ Тетово, делегација на Здружението на бранители „Бедем", од Здружението на пензионери - инвалиди на трудот и делегација на Српската заедница во Македонија, регионален одбор Тетово.
Денот на македонската револуционерна борба - 23 Октомври се празнува од 2007 година кога беше донесен и изгласан новиот закон за државни празници.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.