Во тек пријавувањето за „Скопје на точак“
Сојузот на спортови на Скопје под покровителство на Град Скопје в недела, во 11 часот, го организира велосипедскиот карван „Скопје на точак“ со партнерите Бајк центар и Пробајк Скопје.
Сите заинтересирани граѓани кои сакаат да се приклучат во оваа иницијатива треба да се пријават и можат да дознаат повеќе информации на http://www.sportskopje.mk/
Учеството е бесплатно и ќе се вози со диктирана брзина од 20 километри на час. За да се вози на велосипед секој мора да е пријавен и да го подигне своето стартно бројче.
Според програмата, в недела од 11 до 12 часот пред фонтаната „Лотос“ на булеварот „Илинден“ ќе има поделба на стартни броеви – лепенки за велосипед. Во 12 часот е стартот на карванот, што треба да заврши за половина час. Од 12:35 до 13 часот ќе има лотарија, а од 13 до 13:30 часот велосипедски дружења. Како награди ќе се доделуваат велосипеди, велосипедска опрема, ракавици и заштитни шлемови.
Стартот на „Скопје на точак“ е од булеварот „Илинден“, кај фонтаната „Лотос“, со правец на движење кон Трговскиот центар „Сити мол“. Ќе се вози по улиците „Љубљанска“ и „Московска“ до Студентскиот дом „Гоце Делчев“. Кај домот ќе се врти лево по улицата „Митрополит Теодосиј Гологанов“ и ќе се вози право до Католичката црква. Од таму ќе се продолжи по „Митрополит Теодосиј Гологанов“ до улицата „Димитрие Чуповски“, потоа по булеварот „11 Октомври“ до семафорите кај Црвен крст, каде ќе се врти лево по булеварот „Кочо Рацин“. Возењето велосипед ќе продолжи преку мостот по булеварот „Крсте Петков Мисирков“. На семафорите кај ТЦ „Мавровка“ ќе се врти лево и ќе се вози по булеварот „Гоце Делчев“, преку мостот „Гоце Делчев“, се приклучува на булеварот „Илинден“ и се доаѓа на стартот, кај фонтаната „Лотос“ во Градски парк.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж