Во струмичката болница нема слободен кревет, медицинскиот персонал засилен со 23 специјализанти
Во струмичката болница сите капацитети за сместување на ковид-пациенти се исполнети. Медицинска помош добиваат вкупно 83 граѓани, од кои 40 се на болничко лекување, а 43 се лекуваат со примање терапија во дневна болница.
Директорот д-р Наќе Гогов информира дека во последните денови добра вест е што нема нови позитивни на Ковид-19 од медицинскиот персонал. Тринаесетте сестри, двајцата лекари и еден техничар,кои досега беа во изолација, се вратиле на извршување на работните врски.
-Покрај нив, во работата ни помагаат и 23 специјализанти, кои се распоредени во одделенијата на болницата. Можам да кажам дека по подолго време имаме доволно медицински персонал и сето тоа придонесува работата да тече колку-толку нормално. Се надевам дека така ќе остане, но како здравствени работници не загрижува големиот број на заболени од Ковид-19 и затоа уште еднаш апелираме до граѓаните строго да се придржуваат до мерките за заштита, рече д-р Гогов.Според вчерашните податоци во струмичкиот регион досега се регистрирани 1.571 случаи на ковид дијагностицирани, од кои активни се 671, а од последици од коронавирусот досега починале 53 лица.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто