Во Струмица почна третата фаза од Програмата за урбани партнерства на Светска банка
Општина Струмица ја започна третата фаза од Програмата за урбани партнерства на Светска банка со учество на градоначалникот Коста Јаневски на дводневниот симпозиум на градоначалници, што се одржа во Виена, Австрија, соопштија од општина Струмица.
Во оваа програма Општината учествува од 2011 година, применувајќи ги двете алатки за финансиско самооценување и урбана ревизија, а профилот на општина Струмица излегува двапати во брошурите, што Светска банка ги објавува за напредокот на општините во првата и втората фаза од проектот.
- Основната тема на Симпозиумот беше одржлив и инклузивен урбан развој во Југоисточна Европа- „Градови за луѓето“, со фокус на раководството на градот, одржлив локален развој, отчетност и учество на јавноста во подобрување на квалитетот на животот на граѓаните, информираат од општина Струмица.
Симпозиумот, на кој учествуваа над 150 претставници од централната и локалната власт, здруженија на локалната самоуправа и претставници на граѓанското општество и бизнис заедницата од Југоисточна Европа, беше одлична можност да се споделат искуствата од напредокот и иновациите во општинските финансии, урбанистичкото планирање, управувањето со земјиштето и вклученоста на граѓаните во тие области, сметаат од Општина Струмица
Ново на Сител
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата