Македонија
7. December 2018 - 8:43

Во Струмица научен собир „Култот на Светите петнаесет Тивериополски свештеномаченици“

Во организација на НУ „Завод за заштита на спомениците на културата и музеј-Струмица“ и Министерството за култура денеска во Струмица почнува научниот собир „Култот на Светите Петнаесет Тивериополски свештено-маченици во средновековната и во поновата епоха-историја, култура и традиција“.

Денеска, утре и в недела учесниците ќе поднесат свои реферати на ова тема, а меѓу модераторите се Стефан Влахов-Мицов, Илија Ацески, Александар Атанасовски, Митко Б. Панов, Тодор Чепреганов, Сашо Цветковски, Васил Ѓоргиев-Ликин и Ели Луческа.

Со реферати ќе се претстават повеќе еминитетни професори и научници од македонските универзитети и факултети, МАНУ, Институтот за национална историја, институции и државни органи.

Во чест на Светите Петнаесет општина Струмица традиционално го празнува 11 декември како Ден на заштитниците на градот.