Во Старо Нагоричане почна изградбата на пат до маалата Еребичарци во должина од 1, 2 километра
Општина Старо Нагоричане во рамки на проектот на Министерство за финансии МСИП – „Подобрување на општински услуги“ обезбеди средства за изградба на маалскиот пат до маалата Еребичарци, во село Младо Нагоричане, во должина од 1201,75 метри.Општината распиша оглас за изградба на патот и како најуспешен понудувач го избра претпријатието „ЖИКОЛ ДООЕЛ“ од Струмица, соопштија од општина Старо Нагоричане. Градежните работи на патот ќе се изведуваат до март, годинава.
Овој пат е во близина на основното училиште „Христијан Карпош“ во село Младо Нагоричане и е во непосредна близина на регионалниот пат Куманово – Крива Паланка. Во близина на овој пат се културно-историските и верски објекти што често ги посетуваат странските и домашните туристи, Црквата Света Петка и Ѓорѓи Победоносец. Двете цркви се градени на почетокот на 17-ти век и се прогласени за споменици на културата. До нив се наоѓа и Костоперска Карпа, природна реткост и арехоелошки локалитет. Со изградбата на патот се очекува подобра пристапност до овие места.
Во рамките на овој проект обезбедени се и средства за набавка на возило за потребите на општината.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж