Во Стајковци настрада и СЦ „Вембли“

Покрај оштетувањата на куќите, автомобилите и останатата покуќнина во село Стајковци настрадаа и голем број трговски објекти како и единствениот спортски центар „Вембли“ кој целиот е прекриен со кал.

Како што не информираше еден од менаџерите на центарот Милан Костовски уништена е комплетната подлога во балонот за играње фудбал и целосниот инвентар во ресторанот кој исто така работи во склоп на Спортскиот центар.

Штетата е преку 100 илјади евра вели Костовски кој се надева дека ќе успеаат бргу да ја санираат и да го вратат објектот во употреба.

Доколку не го активираме центарот тогаш штетата ќе биде повеќекратна и поради нестопанисувањето велат од СЦ Вембли.