Во Србија се урна воен авион, пилотот загинал
Авион „Миг 21“ на српската војска се урна утрово околу 9:00 часот во атарот на селото Брасина кај Мали Зворник при извршување на редовна задача, соопшти српското Министерството за одбрана. Според неофицијални информации, едниот пилот загинал, а по другиот се трага. Повреден е жител во чиј двор се урнал авионот, јави РТС.
Повредениот локален жител е одведен во болница во Лозница и примен на Одделот за интензивна нега, каде ќе му бидат третирани изгорениците на градниот кош, главата и рацете.
Српското Министерство за одбрана соопшти дека авионот „Миг-21“ што се урна утрово бил прегледан во согласност со сите процедури, а по увидот утврдено е дека е исправен и подготвен за лет. Министерството за одбрана соопшти дека надлежните истражни органи заминале на местото на авионската несреќа и оти истрагата е во тек. Исто така, на местото на настанот е испратен е спасувачки тим, како и Итна помош, противпожарни возила и полиција.
Локалните жители велат дека авионот летал над селото утрово, а во еден момент летал многу ниско, малку над покривите на куќите.
Отпрвин се слушаше силен звук од авионот и леташе ниско, јас и сопругата излетавме од куќата, изгледаше безопасно, се боршев, се вртеше. Потоа падна, па се крена силен чад, и веднаш отидов со автомобилот…тоа се случи за многу кратко време – изјави за РТС еден од мештаните.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората