Во Србија поостри казни за неносење маски, ќе се издаваат на самото место
Србија ќе започне со построги санкции за непочитување на епидемиолошките мерки, поради што Собранието ќе усвои измени и дополнувања на повеќе закони на својата наредна редовна седница.
Така, во иднина, неносењето маски во затворен простор, ќе се казнува со 5.000 динари, но на самото место на прекршокот, без судски порцедури како што е во моментов, пренесува „Блиц“.
Српскиот кризен штаб, денеска не донесе никаква одлука за воведување нови мерки, иако вчера членовите на тоа тело објавија дека нова мерка ќе биде задолжителен ПЦР тест за влез во земјата.
По разгледувањето на моменталната епидемиолошка состојба во Србија, кризниот штаб денеска само соопшти дека сите претходни мерки во борбата против коронавирусот ќе треба да се почитуваат построго.
„Овој пат, не донесовме нови мерки, ниту ги заостривме постојните, туку само инсистираме на мерките да се почитуваат и сè да се спроведува ригорозно“, рече имунологот Срѓа Јанковиќ по седницата на кризниот штаб, додавајќи дека властите работат на правната рамка.
Ова значи дека неносењето маска, со измена на законот, официјално ќе стане прекршок, што ќе овозможи да се издаваат парични казни на самото место.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка