Во Србија дадени 1.792.912 дози вакцини, и натаму меѓу првите во регионот
Во Србија досега се дадени 1.792.912 дози вакцини против коронавирус, а 647.019 лица ја примиле и втората доза, покажуваат најновите податоци на Владата на Србија.
Србија е убедливо прва во регионот според бројот на вакцини на милион жители, по што следат Унгарија, Словенија, Романија, Хрватска, Бугарија, Албанија и Црна Гора.
Исто така, Србија е прва во регионот според бројот на дадена втора доза на милион жители, по што следуваат Романија, Унгарија, Словенија, Хрватска, Бугарија и Албанија.
Според вкупниот број вакцини и ревакцинации, Србија е втора во регионот, по Романија.
Во однос на бројот на оние кои примиле втора доза на вакцина на милион жители, Србија е прва во Европа, а кога станува збор за бројот на ревакцинации на милион жители во светот, Србија е на шестото место, по Израел, Сејшели, Обединетите Арапски Емирати, Бахреин и САД.
Кога станува збор за бројот на вакцинации на милион жители, Србија е на осмото место во светот – по Израел, Сејшели, Обединетите Арапски Емирати, Велика Британија, САД, Малдиви и Чиле, и на второто место во Европа, по Велика Британија.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас