Македонија
24. October 2021 - 12:47

Во Советот на Град Скопје советници од шест партии и една независна листа

Вкупно шест политички партии и една независна кандидатска листа имаат освоено советнички места во новиот Совет на Град Скопје, според резултатите објавени на веб-страницата на Државната изборна комисија за Локалните избори 2021.

Најмногу советници има ВМРО-ДПМНЕ – 18, потоа следуваат СДСМ – 12, ДУИ – 5, Левица – 4, АА/А – 2, ЛДП/ДОМ – 2 и Зелен хуман град – 2 советнички места.

Советот брои 45 места, а за мнозинство се потребни 23 советнички места.

Вкупно гласале 229.725 избирачи, од кои 217.706 се важечки и 12.019 се неважечки гласачки ливчиња.