Во Собранието дебата за продолжување на кризните состојби за електрична и топлинска енергија
Во Собранието на Република Северна Македонија попладнево продолжи седницата на собраниската Комисија за одбрана и безбедност на која на дневен ред се предлог-одлуките за одобрување на продолжување на рокот за постоење на кризна состојба на целата територија на државата, заради недостиг на електрична енергија и состојбите на пазарите на електрична енергија и за постоење на кризна состојба на подрачјето на Град Скопје, заради недостиг на топлинска енергија, можноста за користење на алтернативно гориво и состојбите на пазарот на топлинска енергија.
Вицепремиерот за економски прашања Фатмир Битиќи, одговарајќи на тврдењата на опозицијата, меѓу другото, најави дека Владата во Собранието наскоро ќе претстави пакет антикризни мерки, како и законски измени.
Во однос на барањето за одговорност, Битиќи кажа дека 65.000 жители на Скопје ниту еден ден немале прекин на топлинска енергија, а за електричната енергија праша дали имало „еден ден, еден час, една минута“ недостаток на струја.
На обвинувањата дека се склучат договори во четири очи, вицепремиерот повтори дека се што се работи е во рамки на законите.
Битиќи, според пратеничката Марија Петрушевска од ВМРО-ДПМНЕ, почувствувал поголема потреба да ја одбрани партијата, а не Владата и притоа изнел многу невистини.
Петрушевска рече дека за едно домаќинство месечно се потребни 48.000 денари и праша зошто Владата ги излажала синдикатите кои сеуште чекаат зголемување.
Пратениците од опозицијата и власта дебатираа за состојбата во РЕК Битола, за ремонтите кои не се направени и што се во тек, за увозот и цената на струјата, владеењето на претходната Влада на ВМРО-ДПМНЕ, но и на актуелната на СДСМ и ДУИ, за автопатиштата низ земјата, за туризмот, набавката на гас.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка