Во Словенија речиси 100 заразени со коронавирусот
Според информациите на Министерството за здравство на Словенија, до 18 часот во земјата се потврдени вкупно 96 случаи на лица заразени со коронавирусот.
Како што јави дописникот на МИА до Љубљана, изминативе два дена речиси двојно се зголеми бројот на заразените, што беше повод словенечката Влада да прогласи епидемија на Ковид-19.
Во Министерството за здравство попладнево се одржа состанок со сите директори на болниците и беше донесена одлука заразените лица да се сместуваат и во регионалните медицински центри со цел да се намали притисокот врз Универзитетските клинички центри во Љубљана и Словенија.
Оние пациенти кои немаат изразени симптоми на болеста е одлучено да се лекуваат дома, со цел да се намалат шансите за ширење на вирусот.
Според податоците на Националниот институт за јавно здравје, досега за коронавирус се тестирани вкупно 3.058 лица, а 3,4 отсто биле позитивни.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница