Во Словенија почнува кампањата за претседателските избори
Еден месец пред претседателските избори во Словенија, закажани за 23 октомври, денеска официјално почнува изборната кампања.
Претседателските кандидати ќе можат да им се обратат на гласачите до 21 октомври на полноќ, кога ќе настапи предизборен молк, а денеска истекува и рокот за поднесување пријави за гласање во странство.
Се очекува претседателските кандидати во својата кампања најмногу да се потпираат на социјалните мрежи и директниот контакт со гласачите на терен. Ќе се користат и други средства за комуникација, како плакати и презентации на поединечни средби, а сите изборни штабови најавуваат финансиски скромна кампања.
Рокот за собирање избирачки потписи и поднесување кандидатури и покрај денешниот официјален почеток на кампањата истекува на 28 септември.
Досега за изборите се пријавија пет кандидати – пратеникот на СДС Анже Логар, адвокатката Наташа Пирц Мусар, пратеникот на Нова Словенија Јанез Циглер Краљ, градоначалникот на Кочевје Владимир Пребилич и музичарот Грегор Безеншек.
Ново на Сител
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус