Балкан
19. July 2021 - 12:39

Во Словенија околу 44 проценти примиле прва доза вакцина против Ковид-19

Во Словенија досега се аплицирани 557.568 дози од вакцината Фајзер Бионтек, 166.177 дози Астра Зенека, а потоа следат Модерна и Џонсон и Џонсон.

Во Словенија една доза вакцина против Ковид-19 примиле 50 проценти од возрасното населени (861.872 возрасни лица) додека втора доза примиле 43,9 отсто од лицата над 18 години, објави денеска словенечкиот Институт за јавно здравје.

Од вкупното населени, вклучително и неполнолетните жители, прва доза примиле 41 процент, а две дози – 36,4 отсто.

Словенечката Влада не успеа да ја реализира целта да вакцинира 60 проценти од населението до почетокот на летото, а кампањата за вакцинирање продолжува со цел што е можно повеќе луѓе до есен да бидат имунизирани со цел да се избегне опасноста од нов бран предизикан од новите соеви на Ковид-19.

Словенечкиот премиер Јанез Јанша најави дека од средината на следниот месец тестирањето нема повеќе да биде бесплатно, како поттик што повеќе луѓе да се вакцинираат.

Во изминатите 24 часа во Словенија регистрирани се девет новозаболенни луѓе, а 30 пациенти се хоспитализирани, од кои 10 се на интензивна нега.