Во Словенија од Хрватска влегле три возови со 3.200 бегалци
Во местото Словенска Добова синоќа и изутринава пристигнаа три возови од источна Славонија со речиси 3.200 бегалци, претежно од Блискиот Исток, соопшти словенечката полиција.
Повеќето од пристигнатите бегалци веќе се префрлени во прифатни центри во Словенија, најголем дел во Шентиљ, каде изутринава според евиденцијата на полициската управа на Марибор имало 4.348 мигранти, кои чекаат во договор со австриските власти да почне нивото префрлување во австриските транзитни центри.
Мигрантите, кои синоќа и изутринава стигнале во Словенија освен во Шентиљ се сместени и во Горна Радгона (740) и во Лендава (околу 600).
Од средината на минатиот месец, кога бегалскиот бран од Унгарија се пренасочи кон Словенија, во неа според податоците на полицијата пристигнале 126.370 мигранти, а 95 отсто од нив веќе влегле во Австрија, Германија и во други европски држави.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка