Во Скопје ќе бидат засадени 3.500 садници
Оваа есен ќе бидат засадени 3.500 листопадни садници на повеќе локации во сите скопски општини. Ова го изјави портпаролот на Град Скопје Ваљон Салиху на денешната акција за засадување дрвја во пресрет на обновувањето на дрворедот на улицата „Рузвелтова“.
– Ги заменуваме сите исечени и паднати дрвја со нови, здрави, висококвалитетни садници од видот див костен, автентични на останатите од истиот дрворед, рече Салиху. Додаде дека Град Скопје продолжува со обновување на сите постојни дрвореди во центарот на градот и подигнување на нови дрвореди во општина Ѓорче Петров и на Бит-пазар во рамки на есенската сезона за садење.
Речиси 500 пенушки на градските сообраќајници, како што наведе, оваа есен ќе бидат отстранети и на нивно место ќе се засадат нови здрави садници.
Градоначалникот на Карпош Стефан Богоев рече дека општината зема задача да го обнови меѓублоковското зеленило долж локалните сервисни улици и парковите што се наоѓаат меѓу зградите во населбите на нивна територија.
– Сметаме дека оваа акција ќе продолжи и во иднина и ќе продолжиме со интензивно засадување на веќе израснати, висококвалитетни дрвја што ќе бидат најдобриот филтер за прочистување на воздухот, особено во деновите кога има повисоко загадување, посочи Богоев.
Град Скопје ја реализира оваа есенската акција заедно со сите скопски општини кои во неа учествуваат со свои работници, механизација и садници.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација