Македонија
27. April 2016 - 14:53

Во Скопје два пожара, причинета материјална штета

Противпожарната бригада на Скопје во текот на изминатото деноноќие интервенираше во два пожара во кои е причинета материјална штета.

Интервенирано е на гаснење кровна конструкција со површина од 8 метри квадратни на ул. Маџари - подулица 22 во периодот од 14 и 58 до 15 и 50 часот. Проценетата штета во овој пожар е 30.000 денари.

Пожарникарите интервенирале и на гаснење запален оџак на ул. Методија Андонов Ченто бр. 59 при што проценетата штета е 9.000 денари.