Во Сирија убиен еден од најопасните австралиски терористи
Мултинационалната антиџихадистичка коалиција во Сирија, предводена од САД, деновиве го ликвидирала Халед Шаруф, еден од најопасните австралиски терористи, кој и имал пристапено на групата Исламска држава, пренесе ТАСС, повикувајќи се на телевизијата Еј-Би-Си.
Авиони на коалицијата во петокот извеле воздушен напад врз еден автомобил во реонот на сирискиот град Рака, во кој се наоѓал Шаруф. Заедно со овој 36-годишен терорист во возилото биле и неговите двајца малолетни синови. Сите загинале во експлозијата.
Пред три години на социјалните мрежи се појавија снимки на кои седумгодишниот син на Шаруф во рацете држи отсечена човечка глава.
Во февруари џихадистот стана првиот човек што го загубил австралиското државјанство по влегувањето во сила на новиот закон, со кој се засилуваат мерките за борба со тероризмот, потсети ТАСС. Законот на австралиските власти им дава право на австралиски државјани да им се одзема државјанството доколку се фатени во особено тешки кривични дела, поврзани со тероризмот. Оваа одредба, меѓутоа, може да се применува само за луѓе со двојно државјанство, како што е примерот со Шаруф, кој има и либанско.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ