Во Синџар откриена мрежа подземни тунели изградени од ИД
Мрежа тајни тунели шти ги изградиле припадници на Исламска држава (ИД), во која имало инсталирано електрична енергија, а имало и простории за спиење, е откриена под неодамна ослободениот ирачки град Синџар, јавија денеска британските медиуми.
Под Синџар се откриени околу 40 подземни тунели во кои се наоѓале простории за спиење, електрична енергија, вреќи со песок, американска опрема за производство на бомби, лекови, како и копии од Куранот, пренесе „Дејли мејл“.
Тунелите ги откриле припадници на курдските сили кои на почетокот на ноември го ослободија овој северозападен ирачки град од припадниците на ИД, откако тој повеќе од една година беше под контрола на сунитските екстремисти.
Командантот на курдските пешмерга сили задолжен за Синџар, Шамо Еадо, изјави дека неговите борци откриле 30 до 40 тунели и дека тоа била вистинска мрежа од тунели во рамки на градот.
-Припадниците на ИД ги ископале овие премини за да се сокријат при воздушните напади, а притоа да можат слободно да се движат под земја, како и да го сокријат оружјето и експлозивите. Ова било нивното складиште за оружје, рече Еадо.
Два тунела биле долги дури неколку стотици метри, а почнувале и завршувале во некоја од куќите во кои се направени дупки во ѕидовите и подовите.
Овие куќи сега се напуштени и разурнати, по едногодишните интензивни борби во Синџар.
Тунелите се тесни и високи токму толку за едно возрасно лице со просечна височина да може да стои исправено. Еден дел од тунелот потсетува на бункер, а во него се пронајдени копии од Куранот, ќебиња и перници.
На снимките може да се забележи дека во другиот дел од тунелот се наоѓале залихи со муниција, вклучувајќи и чаури од американско производство и опрема за правење бомби.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.