Во Штип се одбележува Меѓународниот ден на мајчиниот јазик
Во Националната установа Универзитетска библиотека (НУУБ) „Гоце Делчев“ денеска Општина Штип и двете детски градинки го одбележаа Меѓународниот ден на мајчиниот јазик. Советникот за образование во Општина Штип, Марија Џонова-Попова рече дека со вклучување на децата од предшколска возраст во креативната работилница сакаат да пренесат порака за негување и зачувавање на мајчиниот јазик.
- Во Библиотеката денеска со дечињата имавме креативна работилница. Децата разговараа со писател им беше прочитана приказна и песничка од книгите на Трајче Кацаров, потоа гледаа приказни на македонски јазик, вели Џонова-Попова.
Педагогот во детската градинка „Вера Циривири-Трена“-Штип, Виолета Јакимовска вели дека воспитувачите но и сите вработени се трудат да го говорат стандарниот македонски јазик, а неговото учење се одвива преку најразлични форми на разговори, потоа преку истражување, дијалог, комуникација со родителите.
- Сакам да потенцирам дека родителите, семејството е првата база, од каде што треба да започнеме и да го продолжиме почитувањето на употребата на мајчиниот јазик. Значи родителите треба правилно да им зборуваат на децата, вели Јакимовска.
Штипската Библиотека во рамките на одбележување на Меѓународниот ден на мајчиниот јазик денеска и утре има низа на активности во кои се вклучени децата, а утре ќе биде промовиран поетот роднокраец Љупчо Стојменски.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна