Во Штип се чистат коритата на реките
Градежната механизација интензивно го чисти коритото на реката Брегалница, информираше на денешната прес-конференција градоначалникот на општина Штип, Илчо Захариев, кој денеска на лице место направи и увид на активностите.
За да не се повторат поплавите од февруари Владата и општината направија акциски план за чистење на реките. По спроведените тендерски постапки, чистењето е интензивно и се прави според сите страндарди. Захариев се надева дека чистењето на коритото на реката Брегалница од населбата Ново Село до четвртиот километар ќе заврши до Нова година.
- На улицата „Димитар Влахов“, ЈП Стипион е задолжено да ги среди сите решетки и шахти, при што се направија и пропусти кон реката Брегалница за да нема поплави и враќање на водата на улицата. Сите овие активности, ќе продолжат и во реката Лакавица, каде има исчистен дел, и потоа продолжуваме кај премините кај село Пухче, на 11,13 и 14 километар за да се минимизираат можни штети. Ваква активност се презема по 70 години, значи 70 години реката не беше исчистена, ниту пак Лакавичка река. Исчистивме дури и 300 метри кај Врсаковска река што значи дека акцискиот план нам ни е завршен, рече Захариев.
Штипскиот градоначалник нагласи дека во моментов се работи и на улицата „Вардарска“, потоа се уредува корито на реката Отиња, а наредните денови ќе продолжат и со реализација на три големи проекти, изградба на улици во населбите Света Недела и Дузлачки рид, потоа асфалтирање на пат до селото Суво Грло и поврзување на селата Врсаково со Долно Трогерци.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово