Во Штип, Радовиш и Пробиштип минатата година десетмина заболени од туберкулоза
Во Центарот за јавно здравје - Штип во текот на минатата година евидентирани се десет лица заболени од туберколоза, од кои по тројца од Штип и од Пробиштип, а четворица од Радовиш.
Ова денеска го соопшти директорот на Центарот за јавно здравје - Штип, Велик Грков, кој рече дека пациентите од Штип се на возраст од 30 до 49 години, од кои еден маж и две жени.
Според него, не може да се каже дека има зголемување на бројот на лица заболени од туберколоза, бидејќи секоја година се регистрираат по неколку случаи.
- Навистина болеста туберколоза се смета за болест на сиромаштијата, меѓутоа заболените може и да не биле вакцинирани. Има вакцина за туберколоза, па и ревакцина во поодминати години. Туберколозата се лекува, времетраењето е подолго и со комбинација од повеќе лекови. Заболениот ако се излечи, тој создава имунитет, но имунитетот трае како и секое друго заболување, значи не доживотно, рече Грков.
Тој укажа на препораката од страна на епидемиолозите, а таа е членовите на семејствата каде што веќе има болен од туберколоза да се вакцинират, задолжително и да се одржува хигиена за да не дојде до инфекција.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата