Во Штип промовирана едицијата „Црните страници на УДБА“
Во Домот на млади во Штип денеска беше промовирана едицијата „Црните страници на УДБА“ во издание на Државниот архив на Македонија. Ангел Костадинов, Панче Смилевски, Трајче Спасовски, Драган Срцев, Коце Балабанов, Симеон Зенделовски се само едни од многу бројните штипјани кои биле на црната листа на УДБА, само поради тоа што биле членови на повоената ВМРО.
Директорот на Државниот архив на Македонија, Филип Петровски вели дека Костадинов и Смилевски издржувале и затвориски казни, а останатите штипјани биле сослушувани врбувани.
- Определбата кон ВМРО, придонела за тоа многу штипјани да бидат следени и да им биде оформено досие. Дел од нив биле малтретирани и поради тоа скршени и прифатиле да имаат соработка со тајните служби, рече Петровски.
Тој истакна дека оваа едиција не лустрира и осудува, туку само презентира историски документи кои сведочат за премрежјата на партиските структури во Македонија во втората половина на минатиот век. Во посебниот том насловен како „Уметноста на мета“, Петровски вели дека како специфично го издвојува и досието на познатиот актер Ѓорѓи Колозов. Тогашните служби се интереисрале за мислењето на Колозов.
- Во неговото досие се појавува изјава на денешен уметник со име и презиме. Ние не тврдиме дека е тој, но името е мошне познато и мислам дека македонската јавност ќе биде зачудена од овој случај, рече Петровски.
Според него, имало евидентирано вкупно 137.000 досиеа за македонски граѓани, а денес останале само 15.000, додека останатите се уништени.
Ново на Сител
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните
-
Студентите не можат да ги искористат можностите во целост бидејќи Македонија не ги следи европските трендови
-
Македонија со најмал број студенти по новинарство во регионот, преку проекти се нуди решение за проблемот
-
Србија на нозе, втор ден се трага по 2 годишната Данка
-
Преглед на вестите од светот