Во Штип почнува пријавувањето за гласање на болните и немоќни лица
Болните и изнемоштени лица, кои сакаат да го остварат своето право на глас на 12 декември, ден пред првиот изборен круг за градоначалник на Ошштина Штип од денеска можат да ги доставуваат барањата до Општинската изборна комисија (ОИК), информираше на денешната прес-конференција претседателката на ОИК- Штип, Сенка Андреева. Рокот за доставување завршува на 5 декември, кога и членови на ОИК ќе бидат дежурни до полноќ.
-Општинската изборна комисија работи од 10 до 19 часот, сите оние кои сакаат да пријават член на семејството, кој е болен и немоќен, тоа можат да го сторат во текот на овој период. До ОИК се доставува медицинска белешка, како и од Центар за социјални работи за туѓа нега, лична карта од нив, како и од болниот. Има и полномошно известување, кое се пополнува и се доставува кај нас, вели Андреева.
Дополнително ОИК-Штип и лекар специјалист ги разгледуваат барањата, по што апликантите ќе бидат информирани дали им се примени барањата или се одбиени.
Додека лицата кои се позитивни на Ковид 19 или се во изолација поради контакт со позитивно лице доставувањето на барањето е по електронски пат. Покрај документот кој треба да го симнат од веб страницата на Државна изборна комисија, треба да ги скенираат и личната карта и решението од Државниот здравствен и санитарен инспекторат.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација