Во Штип ќе се градат два нови кружни текови
Црните сообраќајни точки на два булевара во Штип ќе се решаваат со изградба на кружни текови. Урбанистите од Секторот за урбанизам почнаа со изготовка на проекти за изградба на два кружни текови во Штип, информира денеска техничкиот раководител во ЈП „Стипион“-Штип, Александар Југов.
Југов појасни дека едниот ќе биде на крстосницата во населбата Сењак меѓу улиците „Сремски фронт“ и „Џемал Бједиќ“, а вториот кружен тек е на булеварот „Гоце Делчев“, каде се вклучува улицата „Велјко Влаховиќ“, односно кај стара Алумина.
По изготовката на проектите ќе се утврди и колку средства ќе бидат потребни за да се издвојат од буџетот на Општина Штип.
Југов вели причините за изградбата на новите кружни текови е за да се зголеми безбедност на возачите, но и на пешаците на овие булевари, кои водат до основни и средни училишта, градинки и кон индустрискиот дел на градот.
- На тие два булевари по евиденцијата на СВР-Штип имаме добиено статистика во која што има најголем број на жртви имаат регистрирано за пешаци, а исто така и голем број на сообраќајни несреќи и тоа токму на овие две крстосници. Се со цел да се зголеми безбедноста на сообраќајот се прават двата нови проекти, рече Југов.
Тој појасни дека по изработката на проектите, општината треба да добие градежно одобрение по што веднаш ќе почне и изградбата на кружните текови.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација