Македонија
9. July 2020 - 11:22

Во шест општини од Југоистокот ќе гласаат 1.422 болни и седум лица во самоизолација

Во општините Струмица, Василево, Босилово, Ново Село, Радовиш и Конче за гласање на претстојните предвремени парламентарни избори се пријавени 1.422 болни и изнемоштени лица и седум лица во самоизолација.

Најмногу болни се пријавени во Струмица-473 и 6 лица во самоизолација, а во Босилово своето право на глас ќе го остварат 195 болни и едно лице во самоизолација.

Во Радовиш ќе гласаат 100 болни и изнемоштени граѓани, во Конче 21, Василево-252 и во Ново Село 381.

Според општинските изборни комисии бројот на пријавени болни лица е многу поголем во споредба со претседателските избори кои се одржаа лани.

Само во општина Струмица шест избирачки места од вкупно 83 се преместени на други локации, бидејќи не ги исполнуваат условите според здравствените протоколи за изборите закажани на 15 јули.

Право на глас во овие шест општини имаат над 110.000 граѓани на 192 избирачки места.