Бизнис
4. May 2016 - 14:13

Во Сараево се одржува бизнис форум за привлекување странски инвестиции во ЈИЕ

Во Сараево денеска беше отворен овогодишниот бизнис форум, на кој земјите од Југоисточна Европа се обидуваат да привлечат повеќе инвестиции од меѓународни бизнисмени, кои учествуваат на него. 

На форумот оваа година учествуваат инвеститори од 30 земји, меѓу кои Кина, Индија, Малезија, Катар, Саудиска Арабија и други. 

Сараевскиот бизнис форум, кој прв пат беше одржан во 2010 година прерасна во едно од најважните инвестициски случувања во ЈИЕ.

Оваа година Македонија, Босна и Херцеговина, Албанија, Хрватска, Црна Гора, Србија и Словенија најавија дека се решени да се претстават како „еден регион и една економија“, барајќи инвестиции во земјоделството, инфраструктурата, туризмот, енергетиката и други области.