Во САД задржани Руси од Чукотка кои избегале од мобилизацијата
Двајца жители на Чукотка од рускиот Далечен Исток кои побегнале од мобилизацијата биле задржани на американскиот остров Свети Лаврентиј, објави денска порталот „Аљаска њуз сорс”.
Според гласилото, Русите се прикотвиле на островот на 4 октомври. На локалните жители тие им кажале дека пловеле од населеното место Егвакинот на Чукотка оддалечено околу 500 километри морски пат. Тие биле задржани и однесени во градот Хембел на островот, а потоа транспортирани во Анкориџ, најголемиот град на Аљаска.
Федералните власти сега утврдуваат дали Русите го нарушиле правилото за пресекување на границите на САД и дали имаат право да престојуваат во земјата. Гувернерот на Аљаска, Мајк Данливи изјави дека ова е единствен случај на нелегален премин на морската граница меѓу Русија и САД и дека не се очекува постојан прилив на имигранти од Русија.
Се соопштува дека Русите побарале политичка азил во САД. Сенаторот Ден Саливан изјави дека инцидентот покажува дека „рускиот народ не сака да ја води путинската војна на агресија против Украина”. Исто така тој ги повика федералните власти да изработат план во случај ако се зголеми бројот на Руси кои се обидуваат да дојдат на територијата на Аљаска. Според изданието Форбс, од почетокот на воената мобилизација од Русија досега заминале над 700.000 Руси.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово