Свет
16. July 2020 - 11:19

Во Русија 6.400 нови случаи на коронавирус, вкупно 753.000

 Во Русија во последните 24 часа се регистрирани 6.428 нови случаи на заразени со коронавирус, соопшти Кризниот центар на земјата.

Според Центарот, дневното зголемување на бројот на пациенти во последните десет дена не ја надминало стапката од 0,9 проценти.

Бројот на заразени лица најмногу се зголеми во Москва и Московскиот регион.

До денеска, речиси 753.000 луѓе се заразени во Русија.

Во последните 24 часа закрепнале 8.443 лица, а вкупно повеќе од половина милион руски граѓани се излекувале од коронавирусот.

Според податоците на Кризниот центар, повеќе од 70 отсто од пациентите се излекувани.
 
Во последните 24 часа во Русија починаа уште 167 лица, со што бројот на починати од Ковид-19 достигна 11.937.