Во Ресен се реконструира спортската сала „Зоран Стојановски“
Спортската сала „Зоран Стојановски“ во Ресен интензивно се реновира и реконструира. Со проектот на Општина Ресен, спортската сала во овој град ќе добие нов под, кров, водовод, нова инфраструктурна мрежа и канализација, а ќе се зајакне и архитектурата на објектот.
-Спортската сала „Зоран Стојановски“ подолго време беше заборавена и на барање на спортистите и рекреативците од Ресен изработивме проект кој финансиски е поддржан од државната Агенција за спорт и млади. Со осум милиони денари колку што се доделени за реконструкција на спортската сала, младите ќе добијат многу подобар и пофункционален спортски комплекс, информираа од тамошната локална самоуправа и очекуваат изведувачот на проектот МЗТ Инженеринг ДОО Битола во предвидениот рок да ја заврши реконструкцијата на објектот.
Спортската сала во Ресен е именувана со името на младиот и талентиран ресенски ракометар Зоран Стојановски, кој на 17-годишна возраст за време на ракометен натпревар прерано го загуби својот живот.
-По завршувањето на реконструкцијата и ставањето во функција на спортската сала, локалната самоуправа ќе ги мотивира спортистите и рекреативците за организирање турнири во различни спортски дисциплини и за различни генерации, најавија од Општина Ресен.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.