Во Приштина почина познатата режисерка родум од Скопје, Бурбуќе Бериша
Во главниот град на Косово, денеска на 51-годишна возраст по тешко боледување, почина истакнатата филмска и театарска режисерка, Бурбуќе Бериша, која е по потекло од Скопје, јави дописникот на МИА од Приштина.
Бериша е автор и режисер на неколку играни филмски проекти, реализирани главно во Косово, каде што се школуваше и го помина поголемит дел од работниот век.
Нејзини попознати дела, од кои некои имаат добиено и меѓународни признанија, се играните филмови „Косово 9/11“, „Суџук опен“ и „Приштинска приказна“, телевизиската серија „Лекси во градот“, а има снимено и неколку документарни филмови. Освен тоа, има поставено неколку претстави на театарски сцени во Косово, Северна Македонија и Албанија.
За идната година таа се подготвуваше да постави една претстава на сцената на Националната институција Албански театар во Скопје.
Покрај како сценаристка и режисерка, Бериша има работено и како професор по режија, менаџер на кутурни инситутции, продуцент во филмската куќа „Косова филм“ и директорка на Националниот театар на Косово.
Ново на Сител
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија