Во Прилeп синоќа отворен „Пивофест“
Со порака за добредојде на сите гости од земјава и странство и за добро расположение сите четири фестивалски вечери, синоќа во Прилеп е отворен 16 „Пивофест“.
Посакувајќи им добредојде на посетителите, од големата бина во центарот на градот, прилепскиот градоначалник Илија Јованоски посака сите гости да се чувствуваат убаво на годинашново фестивалско издание.
- Ви посакувам добредојде на најголемата културно-забавна манифестација во земјава. Чувствувајте се весело, вкусете добра скара и испијте ладно пиво и уживајте во нашето гостопримство. Сите фестивалски денови до недела да има добро расположение, порача Јованоски.
Првата фестивалска вечер посетителите ги забавуваа Дани, Тони Зен, Бени и Нон стоп, Кирил Џајковски до раните утрински часови.
- Првпат сум на Фестивалот, а знам дека секогаш има добра организација и така очекувам да биде, рече музичарот Тони Зен.
-Најбитно е да се забавуваме сите, да уживаме оваа летна вечер зашто тоа сите го заслужуваме, вели Дани.
Прилепчани како добри домаќини очекуваат многу гости од земјава и странство.
- Манифестацијата е одлична, очекувам најмногу посетители. Ми се најавија гости и ќе се забавуваме. Одлично е организирана, велат прилепчани.
Нашите иселеници веќе традиционално се враќаат во татковината за време на одржувањето на „Пивофест“. Веќе пристигнаа нашинците од Австралија, од Шведска.
-Живеам во Перт, во Австралија. Токму за „Пивофест“ доаѓам во татковината, зашто фестивалот е одличен, вели Гоце Стојаноски од Австралија.
За веселото расположение на втората фестивалска вечер ќе се погрижат „Црвена јабука“, Ван Гог, Дарио. Организаторите ветуваат многу изненадувања наредните три фестивалски дена.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите