Во Прилеп се потрошија 250 брзи тестови за Ковид-19, добиени се 650 нови
На пунктот во Здравствениот дом во Прилеп за шест дена се потрошија 250 брзи тестови. а штотуку стигна нова пратка од Министерството за здравство, но и 400 брзи тестови како донација што треба да ја подобри ситуацијата во справувањето со корона- кризата.
Според доктор Оливера Аџиоска, директор на Здравствениот дом во Прилеп , 250-те брзи тестови даваат резултат за 20-тина минути. Во првата потрошена пратка, половината беа позитивни.
– Дневно се трошат 40-тина брзи тестови. Првата пратка од 250 брзи тестови се потроши за шест дена и според резултатите, околу половината покажаа позитивни резултати. На наше барање поради тешката ковид-ситуација, Министерството за здравство ни излезе во пресрет со нова пратка од 250 брзи тестови, а во меѓувреме добивме донација од 400 исти тестови од прехранбената индустрија „Витаминка“. На располагање, значи се нови 650 брзи тестови, што во оваа ситуација е солидно за да се справиме со ситуацијата. Многу ќе помогне за детектирање на позитивните лица и брзо воспоставување терапија за нивно лекување. И закажувањето и упатството за нивното лекување е на матичните лекари. Од новопристигнатите веќе вчера се потрошија 50 брзи тестови, објасни д-р Аџиеска.
Што се однесува до бесплатната вакцина против сезонскиот грип, од 690-те дози, досега се потрошени 500. Има само за наредната недела, а сѐ уште нема најави за нови. Инаку, тешко се стигнува до закажување термин за вакцинација, интересот е голем и според матичните лекари, малку се 690 дози вакцини против сезонскиот грип.
Од Центарот за јавно здравје информираат дека комерцијалните вакцини кои ќе чинат 800 денари, треба да пристигнат во текот на првата недела на декември. За Прилеп има 800 комерцијални вакцини против сезонскиот грип.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово