Во Прилеп протестен марш под мотото „За заедничка Македонија“
Под мотото „За заедничка Македонија“ повеќе здруженија и граѓани вечерва одржаа простестен марш во центарот на Прилеп, на кој испратија пораки за заштита на името и унитарноста на државата.
Од името на патриотското здружение „Пере Тошев“, еден од организаторите на протестите, Васко Смилески рече дека нема да се дозволат туѓи платформи.
- Нема да дозволиме црвено-жолтата линија да се помине и нема да поминат никакви платформи создадени во туѓи држави. Нашата порака е да останеме сите заедно и да ја сочуваме оваа Македонија што ја имаме, посочи Смилески.
Според Ацо Јованоски од Здружението „Карпалак“ македонските политички парти и политичарите треба да си подадат рака за малцинска влада.
- Уште од Илинден 1903, па 1941 и 2001 година се докажа дека Македонија е голема и треба да ја сочуваме. СДСМ и Зоран Заев да си подадат рака со Груевски и ВМРО-ДПМНЕ и да направат малцинска влада. Видовме дека албанската платформа ја осудија и соседните земји Србија, Бугарија, па и Хрватска, рече Јованоски.
Насобраните вообичаено го поминаа протестниот марш по булеварот „Гоце Делчев“ од споменикот „Прилепски бранители“ до споменикот „Карпалак“.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица