Во Прилеп одбележан Денот на македонската револуционерна борба
По повод 23 октомври, Денот на македонската револуционерна борба, денеска делегации на локалната самоуправа, на Сојузот на борци, на партии и граѓани положија цвеќиња и им оддадоа почит на македонските дејци и борците што ги дал Прилеп.
Почит им беше оддадена на идеолозите на Внатрешната македонска револуционерна организација Пере Тошев и Ѓорче Петров, на првиот претседател на Президиумот на АСНОМ, Методија Андонов Ченто пред нивните споменици во центарот на градот и на загинатите борци чии мошти почиваат на Могилата на непобедените.
Според прилепскиот градоначалник, Марјан Ристески, Прилеп секогаш имал активна улога во континуираната борба на македонскиот народ за национално ослободување.
- Прилеп дал плејада дејци. Уште од почетокот на македонската револуционерна борба ги дал и идеолозите на ВМРО, Пере Тошев и Ѓорче Петров. Им оддаваме почит и нивните битки современите генерации ги трансформираа во свои стремежи Македонија да е економски просперитетна и дел од Европското семејство држави, зачувување на националниот интегритет и јазик, рече Ристески.
За Методија Костоски од Сојузот на борци, НОБ е континуитет на македонските револуционерни стремежи. - Првите партизански чети ги носеа имињата на револуционерните и илинденски борци меѓу кои Гоце Делчев, Пере Тошев, рече Костоски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово