-->
-->
Во пожар изгоре куќа на кумановец корисник на социјална парична помош
-->
Во пожар утрово изгоре куќата на 50 годишниот кумановец Цане Спасовски во кумановската населба „Стари Лозја“. Во пожарот, кој петмина пожарникари со едно возило два часа го гасеа на кровот и на дел од куќата нема повредени лица.
Командирот на ТППЕ Куманово, Деан Илиевски изјави дека кај нив пожарот бил пријавен пред осум часот, а целосно бил изгаснат пред 10 часот.
Трошната куќа на Спасовски речиси целосно е уништена, како и скромниот имот кој го поседува овој 50 годишен корисник на социјална парична помош.
Во изјава за медиумите Спасовски објасни дека го разбудил специфичен звук и оти се сомнева дека пожарот настанал од плинска боца која ја користел за готвење.
Цаневски денеска апелираше до надлежните институции, локалната власт и добронамерните граѓани и компании да му помогнат во изградба на кровот на куќа во која со години живее овој куманвец. Кумановскиот Црвен Крст на Спасовски му донираше хуманитарна помош ќебиња, облека и храна.
Инаку, според статистиката на ТППЕ Куманово ова е втор пожар во текот на месецот на индивидуална куќа, во урбана средина, во април пожарникарите интервенирале 6 пати, во март три, во февруари 11 пати, а во јануари пожарникарите интревенирале на пожари во куќи, станови,трговски објекти 16 пати.
-->
-->
-->
Ново на Сител
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата