Во повеќе кинески градови воведен црвен степен на предупредување за загадување од смог
Повеќе кинески градови денеска, по првпат, во сила го ставија црвениот степен на предупредување од загадување, како одговор на предвидувањата за обилен смог. Ова се случува откако властите во Пекинг двапати во текот на овој месец ја активираа истата мерка, особено по критиките затоа што тоа не го сториле порано.
Провинцијата Шандонг, на истокот од Кина, прогласи тревога во четири градови, покрај предупредувањето дека густината на загадувачките честички во воздухот може да ги надмине високите нивоа во текот на повеќе од 24 часа, пренесуваат американските медиуми.
Канцеларијата за заштита на животната средина во Шандонг соопшти дека од утринава во сила е црвениот степен на предупредување.
Метеоролошките власти во Хебеј, која се смета за најзагадена провинција во Кина, во вторникот првпат издадоа црвен степен на предупредување за загадување од смог.
Градовите во провинцијата Хебеј потоа ги презеле потребните мерки, при што Сјингтај и Хандан ја засилиле контролата во сообраќајот за да го преполоват бројот на возила на патиштата, наведува Канцеларијата за заштита на животната средина во Хебеј.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите