Во понеделник РК Вардар ја стартува продажбата на сезонски билети за Лигата на шампионите

 

Во понеделник (31.08.2015) почнува продажбата на привилегирани сезонски билети за новата сезона во групната фаза од Лигата на шампионите.

 

Продажбата на привилегираните билети ќе се врши од понеделник (31 август) до среда (2 септември) во периодот од 10 до 18 часот на билетарницата на СЦ „Јане Сандански“ за сите кои изминатата сезона купиле сезонски билет, додека од четврток (03.09.2015) почнува регуларната продажба на сезони билети за натпреварите на Вардар во групната фаза од Лигата на шампионите.

 

При привилегираната продажба секој што поседувал сезонски билет од измината сезона со приложување на истиот ќе има право да купи сезонски билет за новата сезона пред останатите фанови на Вардар. Привилегираната продажба не значи купување на истите седишта од изминатата сезона.

 

Регуларната продажба на сезонски билети ќе започне во четврток (03.09.2015) и ќе трае до недела (06.09.2015) во периодот од 10 до 18 часот исклучиво на билетарницата на СЦ „Јане Сандански“.

 

Во продажба ќе бидат пуштени билети од две различни категории по следните цени:

- Стоење - 800 денари

- Трибина - 2500 денари

 

Сезонава во групната фаза од Лигата на шампионите пред домашна публика Вардар ќе одигра седум натпревари, против Монпелје, Барселона, Рајн Некар, ПИК Сегед, Кристијанштад, Кјелце и КИФ Колдинг.

 

Дополнителни информации за продажбата на билети може да се добијат и на телефонскиот број + 389 (2) 2 40 19 80, како и на www.ticketplus.mk и www.rkvardar.com.mk