Во полошко за пола година регистрирани речиси 300 нарушувања на јавниот ред и мир
Во првата половина од годинава во Полошкиот регион регистрирани се 292 нарушувања на јавниот ред и мир од кои 152 во тетовско и 140 во гостиварско. Од СВР Тетово информираат дека најголем дел од нив се целосно расчистени.
Според анализите во СВР Тетово, во овој период изготвени се и поднесени 245 барања за поведување прекршочна постапка против 350 сторители.
Најголем број од прекршоците се физички напади, а регистрирани се и 35 тепачки. Во нарушувањата на јавниот ред и мир имало и 23 случаи на карање, викање и непристојно однесување, како и 16 случаи на навредување и омаловажување на овластено службено лице.
Портпаролот на СВР Тетово, Марјан Јосифоски изјави дека во овој период пријавени се и 11 нарушувања на јавниот ред и мир во и околу училиштата и шест на спортски натпревари.
Во нарушувањата се вброени и 24 прекршоци по Законот за јавна чистота.
Најголем број од сторителите се мажи, а како најчести места каде се случиле нарушувањата на јавниот ред и мир се улиците и угостителските објекти.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак